ولله الحمد ما كنت اتوقع أني بتأقلم في الجامعة بها السرعة .. توقعاتي كانت انه ع الأقل بتم 5 شهور لين اتعود بس أحس بسرعه تعودت عليها وحبيتها وااايد .. يمكن لأني لين الحين لفلز وبعده الجد ما بدا !!!
اخر التطورات .. الحمدلله نجحت في اللفل الي انا فيه وبنتقل لفل ثاني .. بخبركم سالفتي في اللفلات
اول ما حطوني في اللفلات كنت لفل 5 وعلى أساس بتم سنة كاملة في اللفلز تذمرت في البداية واني مابا بس سبحان الله.. الله كاتبلي الخير .. تعرفت على بنات حبيتهم ودخلو قلبي بسرعة وكله سوالف وياهم جني أعرفهم من زمان وحتى المعلمات الي درسوني كانوا قمة في الطيبة ويبون يساعدونا.. يا حظ الي مس بيكي ومس بيث بيدرسونهم .. انا كنت حاطة هدف طول ما كنت في لفل 5 والهدف كان اني أحاول ايب فوق 90% عشان أسوي قفزة وأسير لفل 7بدل من لفل 6
انتهى لفل 5 وبقت احلى واجمل الذكريات .. وقت النتايج يبت 88.5 فرحت وااايد وتضايقت في نفس الوقت لانه درجة ونص تفصلني عن لفل 7 .
كنت كل يوم أچيك الجدول وأشوف وابحث في قوقل عن الاسم الي يكتبونه << طريقة اتبعها عشان اعرف شكل الي بيدرسني ههه فضول
قبل الدراسة بكمن يوم شفت الجدول ولا السير الي بيدرسني درس اربيعتي وكانت وايد تمدحة <3 ..
بس لحظة ؟؟ كيف هذا بيدرسني وهو يدرس لفل 7 !!!!
كانت صدمة كبيرة يوم اكتشفت أني في لفل 7 :(
ماعرف فرحت زعلت استانست تضايقت لانه كنت أبا امشي خطوة خطوة
وعقبها بساعتين غيروا الاستاذ الي بيدرسني وهنيه تضايقت وايد لاني ماعرفه
وتبون الصدق واجهت صعوبات وايد في لفل 7 سواء من الدراسة .. الأستاذ "بريطاني" .. البنات ..
في ها اللفل صدق حسيت أني في الجامعة وفي البيئة الي كنت متخوفة منها
بس حاولت أتأقلم واتعود والحمدلله مرت الأيام بسرعة وبدون ما أحس
ان شاءالله ان شاءالله ان شاءالله انجح في اخر لفل وادخل الجنرال على نهاية السنة
دعواتكم أحبتي
ليست هناك تعليقات:
إرسال تعليق