بسم الله الرحمن الرحيم
ولله الحمد تم قبولي في جامعة
زايد .. والبارحة سرت استلم البطاقة الجامعية + الآي باد
هذي السنة كل شي متطور "
نياهاهاها " الي بيدرسون سنة تأسيسية في اللغة الانجليزية " نطلق عليهم
لفلز في جامعة زايد " هم الي بيستخدمون الآي باد وانا منهم
اما الى مواد عامة " جنرال
" فبيستخدمون الماك
البارحة كان اول يوم من بدأ
استقبال المستجدين والمستجدات
وصلت الجامعة الساعة 11 ونص
كان كل شي سهل
بسرعة خذت الأي دي وقالولي اني
انا لفل 5 ×_× تضايقت شوي لأنه كنت أتوقع بكون لفل 6 بس الحمدلله ان شاءالله الأمر
يكون خيره لانه اللفلات اسهل ومابا انضغط كفاية ضغط الثانوية العامة يعني شوي
احتاج للراحة والاسترخاء
وخبرونا انه الجداول بتنزل
بالخميس او السبت
المهم بعدين سرت دفعت للآي باد
وخذت الآيباد
وسرنا للكلاسات عشان يعلمونا
كيف نسويلنا أكاونت في الآب ستور .. الخ
لين هنيه وكل أمورنا سهلة يعني
ما تعدت النص الى 45 دقيقة
اما الكارثة العودة والي خلتني
اكتئب واتعب وما أتغدى
يوم سرنا كلاس ثاني عشان
يعلمونا شو نسوي في الآي باد وشو البرامج الي ننزلها
من الملل قمت اصور
تخيلوا لازم ننزل 22 برنامج
×_× تمينا يمكن ساعة في الكلاس وبس 12 برنامج نزلن أما الباقين لازم نسير مكان
ثاني عاد يلا وزحمة البنات ويوم وصل دوري جان يقولي الريال والله انتِ وايد اتري
شوي
اوووف قهر
وتريت بعد يمكن نص ساعة او اقل
لين سوالي ونزلت كم برنامج عقب بعد ما طاعوا ينزلون شو ها ليش جي
وبنت خالوتي كانت من البنات
الي يساعدن اتصلتبها عشان تساعدني حاولت وماعرفت
وبعدين خليت بنت من بنات الجامعة
الي يساعدونا تنزلي البرامج
وعقب سرت عند بنت خالوتي يلست
وياها في " لافيتا "
وتخيلوا تميت لين 4 ونص في
الجامعة بس عشان البرامج تنزل
كان يوم متعب
وان شاءالله الدراسة بتبدى
الاسبوع الياي
دعواااااااااااااااااااااتكم
موفقة ي بعدي
ردحذفعبير علاو
ردحذفشكرًا لك واجمعين ان شاءالله